عايزين تعرفو اسم الموضوع طب ما تدخلو

انهاردة شوفت موقف خلاني افكر كتير اوي

الموقف ممكن يكون بيتكرر في حياة كل واحد فينا وممكن نغلط نفس الغلط بس بنكون يا اما مش واخدين بالنا ومش فاهمين ياإما بنكون عندنا جفاء
وعشان نفهم اكتر هو الموضوع مش معقد ولا حاجة موقف بسيط بس خطير على الاقل بالنسبة لي
الموقف هو اني شوفت اب بيسأل بنته بعد ما قعدو يتكلمو شوية وكل ده في الشارع قالها عاوزة حاجة يابنتي قالت لا
موقف عادي خالص وصغنون ويمكن الكل بيقول بتخلي من الحبة قبة وموضوع
بس الصراحة اني فعلا الموقف أثر فيا قلت ليه البنت دي متقولش لابوها اي عبارة تدل على اي احترام او حب او اجلال
مثلا ليه متقولش شكرا يا بابا ،ماستغناش يا بابا،عايزة سلامتك مثلا
ليه متكونش الكلمة الحلوة هي اللي على لساننا واحنا بنعامل اقرب الناس لينا واكثرهم فضل علينا
وطبعا الموقف ده ممكن يكون بيتكرر مع الام زي مثلا بعد ما تتعب وطول اليوم واقفة في المطبخ والبيت وبعد ما تحط الاكل بدل ما بنقول تسلم ايدك يا حبيبتي لا بنسبقها ونقول ايه ده مفيش مخلل ،ماما بردو الاكل مالح،ماما انتي عارفة اني مش بحب المسقعة ،ماما لسه مخلصتيش الاكل
وممكن يتكرر الموقف كتييير في مواضع كتير بردو مع ام الزوج وهكذا
"الكلمة الطيبة صدقة"
فعلا الكلمة الطيبة سحر في مفعولها سواء مع الناس اللي بطبيعتها بتقدر او مش بتقدر
عارفين انا فكرت في الناس اللي بترد عالموضوعات وتقول "سلمت يداك"او "جزاكي الله الجنة "او عطرت الموضوع بمرورك" وهكذا سألت نفسي هل هما دي كلماتهم مع اقرب الناس ليهم ولا لا
اذا كنت ممن يستخدمون الكلمة الطيبة بطبيعتك في حياتك فضاعف الله لك اجر صدقاتك
واذا كنت من غيرهم فالحق بركب المتصدقين بالكلمة الطيبة
"وذكر فإن الذكرى تنفع المؤمنين"
وآسفة عالاطالة
مع السلامة

موضوع جميل كتييييير

جزااااااااكي لله كل خير ويسلم ايديكي
ويعطيكي الف عافيه

تحياااتي يا قمر

يسلمو على الموضوع

يسلمو يا قمر

يعطيكي العافية قمر