شفتها ياسعـــود..

موضوع: شفتها ياسعـــود.. 2009-08-14, 12:50 am

شفتها ياسعود صدفه بعد ماغابت سنين
عند قسم المختبر وسط مشفى الجامعه
جيتها ثم قلت ممكن في سؤالي تسمحين
ناظرت فيني بدهشه نظره متواضعه
قالت انت تحسبني من بنات صايعين
تحسبني في زماني عن طريقي ضايعه
قلت انا ماراح اطول كلبوها كلمتين
وابعدت عني شويه ثم جتني راجعه
قالت اسال واضح انك من رجال طيبين
بس هرجك يالسنافي كان وشهو دافعه
قلت انا حبيت وحده يوم كنا صغيرين
ومن ثمان سنين راحت للمواصل قاطعه
عقبها ماذقت نوم يهتنيه النايمين
ساهر في طول ليلي لين شمسي طالعه
اذكر انه فيه حبه فوق ثغره من يمين
واذكر انه لاجريناكن شعره تابعه
واذكر انه عاشق الورد والياسمين
صار قلبي بالورد اللي عشقها زارعه
طابعا اسمه بقلبي فيه سين وفيه عين
وفيه الف وفيه الدال وسط قلبي طابعه
قاطعتني بقولها سبحان رب العالمين
كررتها مره... ومرتين... ورابعه
بقلت وش فيك وشبلاك يابنيه ترجفين
ليش عينك يابنيه من كلامي دامعه
قالت الموقف و قلبي والمحبه والحنين
كيف اشوفك بعد ماكنت عنك قانعه
قلت انا بسالك انكانك انتي تذكرين
عن مواثيق ثمنها من حياتي دافعه
قالت ظروف الزمان ماتطيع العاشقين
بيعوني غصب حبك لو هو ماني بايعه
انا في دنياي حالي كنها حال السجن
حتى لو فكوا سراحه فيه شئ مانعه
زوجوني غصب واحد وحرموني حاجتين
السعاده في زماني والحياه الرائعه
والحين انا ام لثلاثه عندي ريم وياسمين
والولد اسمه على اسمك والمشاعر جايعه

عضومتميز عدد الرسائل : 3297

مشكور الغالي
على الكلمات الرائعه
يعطيك الف عافيه
تقبل مروري
عبود

موضوع: رد: شفتها ياسعـــود.. 2009-08-26, 8:12 pm

موضوع: رد: شفتها ياسعـــود.. 2009-10-17, 6:39 am

مشكور اخي كتييييييير الموضوع جميل ونال اعجابي
اقبل مروري مع خالص التحيات
المشرف : الوطن الحزين.